Saturday, May 07, 2005

ربع جنية !!!!!!!!؟

ربع جنية؟مرة واحدة،لم اصدق اذناى حين اعلنت والدتى ان مصروفى فى المدرسة سيصبح خمسة وعشرون قرشاً لا غير أى بزيادة عشرة قروش كاملة عن العام الماضى .ماذا عساى ان افعل بهذة القروش العشرة ،لقد كان مصروف العام الماضى يكفى لشراء قنينتان مياة غازية واحدة لكل فسحة وقطعة شيكولاتة واحدة فى اليوم بالاضافة الى كيسين شرائح البطاطس الذى كنت احضرة من المنزل مع السندويتشات وزمزمية المياة(لان حنفيات المدرسة ماكنتش نظيفة) وكانت هذة الاشياء كافية من وجهة نظرى لاطعام الفصل بالكامل وكانت والدتى دائما ما توبخنى حين اعود باى من هذة الاشياء الى المنزل لا ن هذا كان يعنى بالنسبة لها "انى مابكلش كويس ومش هاكبر" بينى وبينكم وحتى اتجنب توبيخ والدتى كنت اجود بما احمل من الاطعمة الزائدة عن حاجتى لصاحب النصيب
وبعد ان زاد المصروف وبالتاكيد ستظل كمية المواد التموينية الاخرى كما هى دون تغيير مع احتمالية ان تزيد عدد السندوتشات لانى كبرت وطلعت كى جى 2 ومحتاج غذاء،فكان لابد لى من التفكير الرشيد نحو الاستغلال الامثل لهذة الزيادة التاريخية ، وكطبعى الذى لا يتغير بدأت افكر فى طريقة لاستهلاك تلك الزيادة .فكرت ان اشترى قطعة شيكولاتة ثانية او مصاصتين على بابا او ...........وحين اعيتنى الحيل ولم استطيع ان اتخذ قرارا منصفاً قررت ان اُشرك اصدقائى محمود وسامروعمرو فى هذة المشكلة .شاركنى محمود وعمرو الرأى وأيدا فكرتى فيما يختص بشراء المصاصات اما سامر فقد تفتق ذهنة بفكرة جديدة تماما لم نعى لها مثيلا من قبل سألنى
-إمتى اخر مرة جبت عربية ماتش بوكس
قلت -اخر مرة كانت مجموعة العربيات كاتربيلر بتاعة البناء هدية نجاحى
قاللى-ياااة يعنى اول الصيف اللى فات طب ماتشترى واحدة جديدة
إزاى بس دى اقل واحدة تمنها سبعة جنية وبعدين انا عندى عربيات كتيرة قوى
يا أخى زيادة الخير خيرين اية رايك تحوش الزيادة وتشترى عربية
إزاى يعنى
يعنى تجمع العشر قروش كل يوم لحد ما تكمل تمنها وتشتريها
وتفتكر لو عملت كدة ماما مش هاتزعل ؟
وتزعل لية يابنى
علشان هاصرف الفلوس على العربيات مش على الاكل!!!!؟
بالعكس دى هاتفرح لما تعرف انك بتحوش
قعدت اقلب الموضوع فى دماغى الى ان وجدت الفكرة متميزة ومفيدة وقررت ان استجمع شجاعتى وابلغ امى بقرارى المنفرد ولدهشتى وكما توقع سامر رحبت بالموضوع واعلنت دعمها باتنين جنية من ثمن العربية بشرط ان اكل كل التموين اليومى ولا اعود من المدرسة بشىء منة او اوزعة على اصدقائى "اعترفت لها بهذة الفعلة فى قعدة صفا"د
بعد حوالى شهر ونصف استطعت ان اشترى السيارة وكانت هذة السيارة اغلى سيارة عندى بين كل السيارات لانها ببساطة كانت
من عرق جبينى

3 Comments:

At 4:57 PM, Anonymous Anonymous said...

This comment has been removed by a blog administrator.

 
At 6:05 PM, Blogger حــلم said...

مدهش
since ur career is banking
تقدر تحسب لى طفل فى كى جى 1 ياخد كام مصروف النهاردة؟؟

علشان يقدر يجيب كل دة
:-)

 
At 12:44 PM, Blogger اسامة said...

wallahi I think it has nothing to do with banking yet i think A kid in KG 1 nowadays will need around Egp5.00 minimum if he is in ordinary school " not american or british of course " in order to get all of these stuff, regarding a matchbox car " which is now equivalent to Playstation game" he should forget to get one without parent's intervention

 

Post a Comment

<< Home

Free Counters