Saturday, July 16, 2005

رجعت بعد السنين

*ولسة باحلم بيوم ابص الاقى الصديق

علىشط بحر الدموع بيشد قلبى الغريق

ويقوللى مالك ياصحبى غرقت لية فى الهموم

اقوللة عاشق والحب ليا طريق

*قال اية رماك عالمر قلت المرار

قلبى العليل انكوى من قسوه المشوار

بقيت ياعينى وحيد ،سهران بعد النجوم

انا قلت ابعد لقيت فى البعد نار

*والله غريب يا صاحبى طبع الزمان

يديك فىساعة رضا وفغمرة الاحزان

ساعة يشيلك يرفعك فوق فى السحاب

وفلحظة يرميك يهبدك قبل الاوان بأوان

*اخترت امشى الطريق رايح وحيد مجروح

لا عرفت فين ينتهى ولاقلت فين هايروح

هلاقى خلى ولا ضلى ولا هبقى وحيد

اكيد فى اخرة حداً بالسر كلة يبوح

*قالولى اية اللى جابكك دة الدرب اصلة صعيب

انا جاى قلبى عليل الاقيش حداكوا طبيب

قاللوا الطبيب عندنا والطب والعلاجات

شوفلى علاج للهوى والقلب ينسى اللهيب

*سكت حكيم الهوى وقاللى اسمع شوف

لكل علة دوا ،شىْ من زمان معروف

اسال قليبك ياولد وقولة مالك حزبن

تلاقى عندة دواة من غير تعب ولا خوف

*جاوبنى قلبى وقاللى ليه سبت حبك لية؟

دة هو عزى وهنايا وكل روحى فية

عمرى ماشفت سعادة من بعدة والافراح

ارجع لحبك وقابلة وابقى بوسلى عنية

*راجع بيدى هانبش فى الزمن واللى فات

مش ممكن افضل سجين للدمع والذكريات

لازم الملم جراحى وانسى التعب واللى راح

يمكن حبيبى يغيتنى بعد الفراق والشتات

*ويوم ماشفتة قلتلة يا عمرى كلة

يافرح قلبى وبسمتة ،شمسة وضلة

دة يوم البعد عنك كان يوم حزين

و عمرى يوم مارجعتلك وردة وفلة

*بصيت لقيت حبيبى وشة مليان وجوم

وعينية عيون المها ،مليانة حزن وهموم

انا قلت روحى وعمرى مالك حزينة لية

قالتلى خاين وقاسى،قلبى معاك مظلوم

*لازم نرجع ونبنى حبنا تانى بأيدينا

والعمر لسة مانتهاش حبيبى داحنا ابتدينا

اوعى الحواجز تمنعك اوتردعك، الجاى ليك

مادمنا حبين بعضنا وطول عمرنا الخير ملينا

القاهرة 1/06/2003

4 Comments:

At 2:40 PM, Blogger True Faith said...

IS LOVE GOOD?

I never felt it, but my mom, dad, younger sister and brother did and they are all married to whom they love.

They look that they are feeling good; but would it be the same for all.

 
At 11:59 PM, Anonymous Moly said...

عندما يهبنا ا لله بشىء ثمين و جميل احيانا لانقدر قيمته الا بعد ان نفقده و يضيع من بين ايدينا
فاذا اكرمنا الله و اعطانا فرصه اخرى و اعاده لنا يجب هذة المره الحرص و المحافظه عليه .

 
At 8:03 AM, Anonymous Karim Elsahy said...

Set up a protest against terrorism tomorrow in the streets of Cairo. Do it. Call everyone you know, join together, link up this Egyptian blogosphere and to the streets.

Karim Elsahy

 
At 10:58 PM, Blogger sydalany-وش مكرمش said...

ممتاز
مش حقول أكتر من كده
و يكفي إني حسيت إنك حاسس اللي إنت كاتبه

 

Post a Comment

<< Home

Free Counters